В. д. градоначалникот на Општина Кочани Венко Крстевски објави отчет за сработеното
Венко Крстевски објави отчет за стоте дена работа како вршител на должноста градоначалник на Општина Кочани.
Во воведот, обраќајќи им се на своите сограѓани, тој потенцира дека првите 100 дена од мандатот како в. д. градоначалник покажуваат дека Кочани може и мора да оди напред.
– Обезбедивме над 487 милиони денари за проекти, некои веќе завршени, некои во тек – од витално значење за нашиот град. Инвестираме во инфраструктура, безбедност, социјална поддршка и развој. Со упорност и работа го поставуваме Кочани на патот на обновата и напредокот – вели Крстевски.
Отчетот ги содржи најзначајните проекти и активности во периодот по 14 април 2025 година.
