Промовиран романот „Солзите на сестра ми“ од авторката Лилјана Зашова

Во Библиотеката „Искра“ во Кочани денеска беше промовиран романот „Солзите на сестра ми“ од авторката Лилјана Зашова. Промоцијата е дел од програмата за одбележување на манифестацијата „Денови на кочанскиот ориз“ која што започна вчера со промоција на книга афоризми на афористичарот Јане Атанасов.

Станува збор за прв роман на авторката Зашова кој е  социјално психолошки со драматуршки перипетии.

На промоцијата, сопругот на авторката, Благој Зашов, поранешен амбасадор на Р.С. Македонија во Р. Франција, му подари уметничка слика на градоначалникот на Општина Кочани, Љупчо Папазов.

Деновите на кочанскиот ориз продолжуваат и во наредните денови со промоции на книги, културни настани и концерти.