На 26. април голем музички настан во Кочани

„Фолк вечер на популарноста“ ќе се одржи на 26 април во Кочани. Настанот за прв пат се организира во Македонија, а за прв домаќин е избран градот Кочани. Целта на вечерта е да се доделат плакети, прзинанија и статуетки на најпознатите фолк пејачи и музичари во државата.

На вечерта ќе настапат Анета Мицевска и групата „Молика“, Сузана Гавазова, Јордан Митев, Спасен Сиљаноски, Сузана Спасовска, Наум Петрески, Стојне Николова, Влатко Миладиновски, Ленче и Горан Кукуќ, Орде Неделковски, Дамјан Стојановски, Елена Андоновска, Сашко Велков и Цаки Кисми.

Настанот ќе се одржи во Хотел Ресторан „Амор“  и може да присуствуваат сите љубители на фолк музиката. Цената на влезницата со вклучено мени изнесува 1000 денари. Влезните билети можат да се набават во Хотел „Амор“. Организаторите најавуваат добра забава и настанот да прерасне во традиција што ќе се организира секоја година во различен град.