Бадникова поворка низ кочанските улици, коледарчињата го најавија Христовото раѓање

Со Божиќната песна  „Вечниот Бог“  над 120 дечиња денеска на ден пред големиот Христијански празник Божиќ, го најавија Христовото раѓање. Бадниковата поворка која што се организира по двегодишна пауза поради пандемијата, тргна од православниот храм „Св. Вмч. Ѓорѓи“ и продолжи низ кочанските улици каде што малите бадникарчиња ги поздравија голем број  граѓани.

Потоа пристигнаа пред зградата на Општина Кочани каде што ги пречека градоначалникот на Општина Кочани, Љупчо Папазов, кој им подари коледарски пакетчиња заедно со Библијата за млади читатели, честитајќи им го големиот христијански празник Рождество Христово – Божиќ.